Gellerettli – Zyt isch ryff

Geschrieben von Rast. Veröffentlicht in Aktuell

Kulti BildS Lieder- und Kulturfestival vo Jungwacht Blauring goht in dem Johr in Muttenz BL vom 25. – 27. August 2017 über d Bühni. Doch wieso lohnt sich genau für mich als Leiterin oder Leiter en Bsuech vom Kulti17?

Als Läbensfründ vo Jungwacht Blauring engagiersch du dich in unzählige Stunde. Es isch amel (manchmal) nit eifach im Lager miteme Bängel (Lausbub), Gloon (Clown), Profeetebeeri (gesprächiges Mädchen) oder Rätschbääse (erzählt immer alles den Leitenden).

Aber au die scheene (schönen) Moment bim Nachtgame mit de Saggladärne (Taschenlampe) oder in de Natur mit Anggebliemli (Butterblumen), Summervogel (Schmetterling) und eme Chlöpfer (Cervelat) überem Füür wänd mir nit vermisse.

Für die viele Stund bim Notize mache mitem Ryssbley (Bleistift) am Hogg (Sitzung), wo amel Zyt ufem Gellerettli (Uhr) devo gloffe isch, isch jetzt d Zyt ryff, euch als Dangg (Dank) am Kulti17 die Zyt zrugg zgeh.
Schappo (wir ziehen den Hut vor eurem Einsatz für die Gesellschaft)

Scho jetzt chönne mir die erste Bands bekannt geh. Sicherlich werde Nguru, Arbajo Jairus & Creamy White & A Lad in Lava, Space Time At Night und d’Rütihard-Rocker mit abwechsligsricher Musig unterhalte. Erfahr me vom Programm uf und näb de Bühni unter kulti17.ch

Tickets sind ebefalls scho erhältlich:
Zweitagesitritt für 74.- (Early-Bird sogar nume 54.-)
Tagesitritt FR 38.-
Tagesitritt SA 48.-